ვიფრინე თვითმფრინავით და ორ კვირაში პუტინი დაჯდა თვითმფრინავის შტურვალთან, ჩავყვინთე შავ ზღვაში და ერთ კვირაში პუტინმა ჩაყვინთა, „ფორმულა 2“-ის მანქანა გავატარე და ერთ თვეში „ფორმულა 2“-ის იმავე მანქანის ეკიპაჟთან ერთად გაისეირნა, ასეთი დამთხვევები არ არსებობს, – განაცხადა საქართველოს ყოფილმა პრეზიდენტმა, უკრაინის რეფორმების აღმასრულებელი კომიტეტის თავმჯდომარე მიხეილ სააკაშვილმა დიმიტრი გორდონთან ინტერვიუში.

ჟურნალისტის კითხვაზე, რამდენჯერ შეხვედრია პუტინს, მიხეილ სააკაშვილმა უპასუხა, რომ ძალიან ბევრჯერ და მათ მრავალსაათიანი მოლაპარაკებები ჰქონიათ.

„30-ზე მეტჯერ, შესაძლოა, 40-ჯერაც. ძალიან ბევრჯერ. მრავალსაათიანი მოლაპარაკებები გვქონდა. ის ჩემთან ურთიერთობით მაზოხისტურ სიამოვნებას იღებდა. დებატებს აწყობდა, დსთ-ის არც ერთ ლიდერთან, ზოგჯერ ლუკაშენკოს თუ არ ჩავთვლით, პრესკონფერენციებს არ აწყობდა. ჩემთან ერთად გამოდიოდა პრესასთან, აწყობდა დებატებს. მე ვხედავდი და ჟურნალისტებიც ამჩნევდნენ, რა ხდებოდა. მე ვიფრინე თვითმფრინავით და ორ კვირაში პუტინი დაჯდა თვითმფრინავის შტურვალთან. ჩავყვინთე შავ ზღვაში და ერთ კვირაში პუტინმა ჩაყვინთა შავ ზღვაში, „ფორმულა 2“-ის მანქანა გავატარე და ერთ თვეში „ფორმულა 2“-ის იმავე მანქანის ეკიპაჟთან ერთად გაისეირნა. ასეთი დამთხვევები არ არსებობს, ძალიან ბევრი დამთხვევაა. ის სულ მეკითხებოდა, როგორ აკეთებ ამასო“, – განაცხადა მიხეილ სააკაშვილმა.