არასამთავრობო ორგანიზაცია “პოზიცია” 27 სექტემბერს, 20:00 სთ-ზე, “ელ ცენტროში”, ბამბის რიგის ქუჩაზე,  მორიგ საქველმოქმედო აქციას გამართავს.


პროექტის სახელწოდებაა ,,ქუჩის მუსიკოსები სხვების დასახმარებლად”. 27 სექტემბრის ღონისძიებისთვის საგულდაგულოდ შეირჩნენ ნიჭიერი ქუჩის მუსიკოსები, რომელთაც მრავალფეროვანი აუდიტორიის წინაშე შეეძლებათ თავიანთი შემოქმედების წარდგენა. აღსანიშნავია, რომ ,,ქუჩის მუსიკოსების” გარდა, საქველმოქმედო პროექტში ამჯერად ცნობილი ჯგუფი ,,ნიკოლშოუ”-ც იქნება წარმოდგენილი.


ქველმოქმედებიდან შემოსული თანხა მთლიანად გადაეცემა სოციალურად დაუცველი 5-შვილიანი ოჯახის წევრს, 10 წლის გოგა ხახალაშვილს, რომელსაც მძიმე ძაბვის შედეგად მიღებული ტრამვით ორივე ხელის ამპუტირება მოუწია. მოზარდს სხვადასხვა სახის მედიკამენტი და თანადგომა ესაჭიროება.


“პოზიცია” მადლობას უხდის  ,,ქუჩის მუსიკოსებს” და ცნობილ ჯგუფს ,,ნიკოლშოუ”-ს ღონისძიებაში უსასყიდლო თანამონაწილეობისათვის, “ელ ცენტროს” კი პროექტის მხარდაჭერისათვის.
არასამთავრობო ორგანიზაცია “პოზიცია” მიესალმება ნებისმიერი კომპანიის მხრიდან საქველმოქმედო აქციაში ჩართულობას, იქნება ეს ადგილზე ფულადი სახით 10 წლის მოზარდისთვის დახმარების გაწევა, თუ სხვა სახის მხარდაჭერა.


27 სექტემბრის ღონისძიებაზე დასწრების მსურველებს მოსაწვებები წინასწარ გადაეცემათ. საკონტაქტო ტელეფონი:  577 74 11 79.