„როგორც დასავლეთში აფასებენ, С-500 ‘’Прометей’’ სულ ცოტა 15 წლით უსწრებს ამ სფეროში დასავლურ ტექნოლოგიებს... არეალია კოსმოსიც, ზებგერითი იარაღიც და საერთოდ, ეს სულ სხვა რამეა, რაც აქამდე იყო...

ეს იდეა ახლა არ გაჩენილა, კოსმოსში დაცვა და კოსმოსში გატანა ბირთვული იარაღისა და იქედან დედამიწის ნებისმიერ წერტილში მიტანა, თითქმის 50 წლის წინათ გაჩნდა... მაგრამ მხოლოდ ახლა განხორციელდა!

ამ ნაკეთობის აღქმა და შეფასება მხოლოდ ინჟინრული აზროვნების ადამიანს შეუძლია. ნაკეთობა - ნაკეთობაა! კარგს არა აქვს წარმომავლობა და იგი იდეოლოგიებით არ ფასდება. ჩემთვის 15 წელი, რომელიც გერმანულ გამოცემებში წავიკითხე, - ახალი არ არის!

როცა ჩემს კოლეგას, რომელთანაც მეგობრული ურთიერთობა მქონდა (ერთი სამეცნიერო ხელმძღვანელი გვყავდა) და რომელიც ამ სფეროში მუშაობს (სპეცტექნიკის კათედრის გამგეა ერთ-ერთ უძველეს და ძალზე ძლიერ ტექნიკურ სასწავლებელში, სპეციალურ დახურულ ფაკულტეტზე) ვკითხე, რა ხდება-თქო?

რაც შეძლო მხოლოდ ის მითხრა: „ხდება... უახლოეს 10-15 წელი მსგავსი არაფერი არსად იქნება“. სულ ეს იყო. ახლა რომ წავიკითხე - მენიშნა!

ეს ცვლის გარემოებებს! პოლიტიკოსებს მართებთ საღად შეაფასონ ის, რაც ცხადი გახდა! როგორც გერმანელები წერენ, ალბათ, ეს იარაღი წელსვე იქნება გამოყენებული. მომავალი წლიდან ეს სისტემა სერიულად მიეწოდება არმიას.

რატომ დავწერე ეს პოსტი?! ილუზიები და სისულელე პოლიტიკაში იმას იძლევა, რაც გვაქვს: დაკარგული (ოკუპირებული) ტერიტორიები, გაღარიბებული და ქვეყნიდან გასული მოსახლეობის საკმარისად დიდი ნაწილი...

პოლიტიკა არ არის ემოციები - ეს უსასტიკეს რეალობაში მანევრირებაა და ამ მოძრაობას საკუთარი სახელმწიფოსა და ხალხის ინტერესები შეიძლება ედოს საფუძვლად...

არაფერი იოლად აღარ განვითარდება! ჩვენ ყველას დედამიწაზე, მძიმე დღეები წინ გვაქვს... პირველი დიდი ეტაპი - ეს 2020 წლის შემოდგომაა! რა მოხდება აშშ-ში!

ძალიან დიდი ალბათობით, ნაგავის გახვეტა დაიწყება და ხელისუფლება შენარჩუნებული იქნება კონსერვატორების მიერ! ამინ!“ - წერს „ფეისბუქის“ საკუთარ გვერდზე ანალიტიკოსი დემურ გიორხელიძე.