(GUARDIAN.GE) - კორონავირუსის პანდემიის პერიოდში ამერიკის შეერთებული შტატების პრეზიდენტი დონალდ ტრამპი ნიღბით საჯაროდ პირველად გამოჩნდა. იგი ვაშინგტონის გარეთ უოლტერ რიდის სამხედრო ჰოსპიტალს სტუმრობდა, სადაც დაჭრილ ჯარისკაცებს და ჯანდაცვის მუშაკებს შეხვდა.

„მე არასდროს ვიყავი ნიღბების წინააღმდეგი, მაგრამ ნამდვილად მჯერა, რომ მათ თავიანთი დრო და ადგილი აქვს“, განაცხადა ტრამპმა თეთრი სახლის დატოვების შემდეგ.

მანამდე კი მან თქვა, რომ იგი არ გაიკეთებდა ნიღაბს და „დემოკრატების“ საპრეზიდენტო კანდიდატს, ჯოზეფ ბაიდენს ნიღბის ტარების გამო დასცინა, მაგრამ ახლა მან განაცხადა: „მე ვფიქრობ, რომ როცა საავადმყოფოში ხარ, განსაკუთრებით ამ კონკრეტულ ადგილას და როცა ესაუბრები ბევრ ჯარისკაცს და ადამიანს, რომლებიც ზოგიერთ შემთხვევაში ეს-ესაა საოპერაციო მაგიდიდან ახლა გამოვიდნენ, ვფიქრობ, რომ სრულიად ჯანსაღია გეკეთოს ნიღაბი“.