საქართველოსა და არგენტინის ეროვნულ ნაკრებებს შორის მსოფლიო თასის მატჩი, არგენტინელების გამარჯვებით, ანგარიშით, 54:9 დასრულდა.

თამაშის დაწყებიდან მე-6 წუთზე ანგარიში 3:0 გახდა არგენტინელების სასარგებლოდ. არგენტინელების მე-5 ნომერმა თომას ლავანინმა მე-10 წუთზე ლელოს დადება მოახერხა და ანგარიში 8:0 გახდა.

მე-17 წუთზე კი მერაბ კვირიკაშვილის შესრულებული ზუსტი საჯარიმო დარტყმის შედეგად არგენტილებთან სხვაობა 5 ქულით შემცირდა, ხოლო მე-20 წუთზე საკმაოდ შორი მანძილიდან ისევ მერაბ კვირკაშვილის ზუსტად შესრულებულმა საჯარიმო დარტყმამ ასევ 3 ქულით წაწია წინ საქართველოს ნაკრები და ანგარიში 8:6 გახდა. მალევე ქართველები დაჯარიმდნენ და სანჩესის გატანილი ჯარიმის წყალობით ქართველი რაგბისტები 5 ქულით ჩამორჩნენ არგენტინელებს -ანგარიში 11:6 გახდა.

ქართველებმა 32-ე წუთზე საჯარიმო დარტყმის უპირატესობა მოიპოვეს. ჯარიმა მესამედაც მერაბ კვირიკაშვილმა შეასრულა და ანგარიში 11:9 გახდა, მაგრამ 35-ე წუთზე სანჩესის ზუსტად შესრულებული ჯარიმის წყალობით არგენტინელებმა სამი ქულით წაიწიეს წინ და ანგარიში 14:9 დაფიქსირდა. სწორედ ამ 5-ქულიანი სხვაობით და არგენტინელების გამარჯვებით დასრულდა შეხვედრის პირველი ნახევარი, რომლის ბოლო წუთებიც ქართველების კარგი შეტევით მიმდინარეობდა, თუმცა "ბორჯღალოსნებმა" ლელოს დადება ვერ მოახერხეს.

მე-2 ნახევარიც არგენტინელების უპირატესობით წარიმართა. 45-ე წუთზე ქართველების კაპიტანს მამუკა გორგოძეს მსაჯმა ყვითელი ბარათი მისცა, რის გამოც მას მოედნის 14 წუთით დატოვება მოუწია. სწორედ ეს პერიოდი იქცა არგენტინელებისთვის აბსოლუტური უპირატესობის მოპოვების შანსად. სულ რამდენიმე წუთში არგენტინელებმა 3 ლელოს დადება და გარდასახვების ზუსტი შესრულება შეძლეს და 55-წე წუთზე ანგარიში 35:9 გახდა.

70-ე წუთზე მარტინ ლანდახოს მიერ დადებულმა ლელომ და მარჩელო ბოშის შესრულებულმა გარდასახვამ ანგარიში 42:9, მალევე, არგენტინელების კიდევ ერთი ლელოსა და გარდასახვის წყალობით 72-ე წუთზე 49:9, ხოლო 77-ე წუთზე ასევე მორიგი ლელოს დადებით 54:9 გახადა.

მატჩი არგენტინელების გამარჯვებით, ანგარიშით 54:9 დასრულდა.