პანდემიის მიუხედავად, საქართველოში ახალი საწარმოების გახსნა გრძელდება.
სააგენტოს „აწარმოე საქართველოში" მხარდაჭერით, თბილისში, სპილენძისა და ალუმინის სადენების უახლესი ტექნოლოგიების მქონე საწარმო გაიხსნა.
კომპანიამ საწარმოს ამოქმედების პირველ ეტაპზე 100 ახალ სამუშაო ადგილი შექმნა. საწარმო, სრულად დატვირთვის შემდეგ, დაასაქმებს დაახლოებით 250 ადამიანს.
განხორციელდა 15 მილიონი ლარის ინვესტიცია.
საწარმო 35-წლიანი გამოცდილების მქონე კომპანია Koç Kablo-ს ეკუთვნის.
პროგრამის „აწარმოე საქართველოში" ფარგლებში, კომპანიას საწარმოს შესაქმნელად უძრავი ქონება გადაეცა.
პროგრამის „აწარმოე საქართველოში" ფარგლებში : მხარდაჭერილია 363 პროექტი, რომელთა ჯამური ინვესტიციის მოცულობა შეადგენს 796,1 მლნ ლარს, საიდანაც კომერციული ბანკების მიერ დამტკიცებული სესხების მოცულობა 508 მლნ ლარს აღწევს, ჯამში იქმნება 16 050-ზე მეტი ახალი სამუშაო ადგილი.
ინფორმაციას მთავრობის ადმინისტრაციის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.