გორის მუნიციპალიტეტის სოფელ პატარა მეჯვრისხევში თანამედროვე სტანდარტების საჯარო სკოლის მშენებლობა სრულდება. მიმდინარე სამშენებლო სამუშაოებს საქართველოს განათლების, მეცნიერების, კულტურისა და სპორტის მინისტრის მოადგილე, ეკატერინე დგებუაძე, ადგილობრივი თვითმმართველობის წარმომადგენლებთან ერთად გაეცნო.
საოკუპაციო ხაზთან მდებარე სოფელ პატარა მეჯვრისხევის ახალი სკოლა 150 მოსწავლეზეა გათვლილი და ყველა სტანდარტს აკმაყოფილებს. პროექტის განსახორციელებლად მუნიციპალური განვითარების ფონდმა 2 მლნ 400 ათას ლარამდე გამოყო.
სკოლა სრულად ადაპტირებულია სსსმ მოსწავლეებისთვის. შენობაში სასწავლო სივრცეებთან ერთად მოეწყობა კომპიუტერული კლასკაბინეტი, ლაბორატორია, ბიბლიოთეკა, სკოლა აღიჭურვება თანამედროვე ინვენტარითა და ტექნიკით.
თანამედროვე საგანმანათლებლო ინფრასტრუქტურის მოწყობა ქვეყნის ერთ-ერთი მთავარი პრიორიტეტია. შესაბამისად, ინფრასტრუქტურული პროექტები მთელი საქართველოს მასშტაბით ხორციელდება.
ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.