პარლამენტის დამოუკიდებელი წევრი ეკა ბესელია საქართველოში ისრაელის ელჩს რან გიდორს შეხვდა. შეხვედრაზე სხვა მნიშვნელოვან საკითხებთან ერთად, მომავალ არჩევნებზე და ქვეყანაში არსებულ საარჩევნო გარემოზე ისაუბრეს.
ეკა ბესელიას შეფასებით, ეს იყო ძალიან საინტერესო, გაცნობითი ხასიათის შეხვედრა.
„მინდა განსაკუთრებით გამოვყო, რომ მისი იურიდიული განათლებიდან და ხარისხიდან გამომდინარე მას ძალიან კარგად ესმის სასამართლოს რეფორმის, ადამიანის უფლებების დაცვისა და ამ საკითხებთან დაკავშირებული საკითხების მნიშვნელობა ქვეყნის დემოკრატიისთვის. ვისაუბრეთ მომავალ არჩევნებზე და ქვეყანაში შექმნილ საარჩევნო გარემოზე. გავაცანი ჩვენი ახალი პარტია, რომელიც ერთი წელია დაფუძნდა და ავუხსენი, რომ ჩვენი მთავარი პრიორიტეტი არის სამართლიანობა, დემოკრატია და მართლმსაჯულების რეფორმის ბოლომდე მიყვანა, საითაც არის ჩვენი ძალისხმევა მიმართული.
მე დიდი ხანია ჩართული ვარ ორმხრივი თანამშრომლობის ფორმატში, რამდენადაც ისრაელი - საქართველოს მეგობრობის ჯგუფის წევრი ვარ. ვისაუბრეთ ყველა აქტუალურ თემაზე, ჩვენი შეხვედრა იყო გახსნილი და საინტერესო“, - განაცხადა ეკა ბესელიამ შეხვედრის დასრულების შემდეგ.
ინფორმაციას საქართველოს პარლამენტის ვებ-გვერდი ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.