ამერიკელმა მეცნიერებმა მარსზე წყალი აღმოაჩინეს, – ამის შესახებ BBC იუწყება. მეცნიერებმა უკვე დიდი ხანია, იციან მარსზე გაყინულ მდგომარეობაში წყლის არსებობის შესახებ, თუმცა თხევად მდგომარეობაში წყლის აღმოჩენის ყველა მცდელობა აქამდე უშედეგო იყო.
მარსზე წყლის აღმოჩენის შემთხვევაში, იქ სიცოცხლის შენარჩუნების შანსები ბევრად გაიზრდება. როგორც ამერიკელი მეცნიერების კვლევამ დაადგინა, წყალი თხევად მდგომარეობაში ზაფხულობით არის დაფიქსირებული და ის მთებიდან მდელოებზე მიედინება. სწორედ მდინარეების კალაპოტების მიხედვით, ასტრონომებმა დაადგინეს, რომ „წითელ პლანეტაზე“ წყალი არა მარტო ყინულის სახით, არამედ თხევად მდგომარეობაშიც არსებობს.
2015 წლის ივლისში, ორბიტალური აპარატ HiRISE -ს კამერებმა წითელ პლანეტაზე დაახლოებით 536 მეტრის სიგრძის მონაკვეთი დააფიქსირეს, რომელზეც კარგად ჩანს ყინულოვანი ფენები. სავარაუდოა, რომ ყინულის კანიონებმა მიწისქვეშა წყლები წარმოშვა. თუმცა, მათი ქიმიური შემადგენლობა მეცნიერებისთვის ამ დრომდეც კვლავ საიდუმლოა. „ნასა“-ს მეცნიერების აზრით, კანიონების სიღრმეში, შესაძლოა წყლის გარკვეული მოცულობა არსებობდეს. მეცნიერები ამბობენ, რომ მარსზე წყლის არსებობა იძლევა საფუძველს ვარაუდისა, რომ იქ სიცოცხლე იყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.