მე არსად წასვლას არ ვაპირებ, არანაირი თავშესაფარი არ მჭირდება, არც ჩემთვის და არც ჩემი ოჯახის წევრებისთვის, ეს სხვებს დასჭირდებათ თავშესაფარი! - ასე გამოეხმაურა თამარ ბაჩალიაშვილის ოჯახის ადვოკატი, მიხეილ რამიშვილი მის მიმართ განხორციელებულ მუქარას „ტვ პირველის“ ეთერში საუბრისას.

რა­მიშ­ვი­ლი აცხა­დებს, რომ მუ­ქა­რის შემცველი შე­ტყო­ბი­ნე­ბე­ბის გამო, რომელსაც სოციალურ ქსელში იღებს, სა­ქარ­თვე­ლო­ში აკ­რე­დი­ტი­რე­ბულ სა­ელ­ჩო­ებს მი­მარ­თავს და ოჯა­ხის წევ­რე­ბის დაც­ვას სთხოვს. 

„ისევ დატრიალდა ეს ტროლი, ბოტი და გარკვეული პირების ძალიან ცუდი აქცენტი და ძალიან ცუდი კომენტარები. მე მინდა შევახსენო, რომ არსად წასვლას არ ვაპირებ, არანაირი თავშესაფრის მოთხოვნა არ მჭირდება საზღვარგარეთ, არც ჩემთვის და არც ჩემი ოჯახის წევრებისთვის, ეს თქვენ გჭირდებათ და მემგონი, თქვენ გექნებათ გასაქცევი. მე უბრალოდ მინდა, რომ დაცული იყვნენ ჩემს სამშობლოში ჩემი ახლობლები და ჩემი შვილები, თორემ მე გასაქცევი არაფერი მჭირს, სხვებს დასჭირდებათ თავშესაფარი!“ - განაცხადა რამიშვილმა.