საქართველოს ხელისუფლებისადმი ევროკავშირის შემოთავაზების დადებითად გადაწყვეტის შემთხვევაში ქართველი ჯარისკაცები ცენტრალური აფრიკის რესპუბლიკაში სამხედრო ოპერაციაში ჩაერთვებიან.

თავდაცვის მინისტრის ირაკლი ალასანიას განცხადებით ამჟამად ეს საკითხი განხილვის სტადიაშია და აღნიშნულთან დაკავშირებით, საზოგადოება ინფორმაციას საქართველოს ხელისუფლების გადაწყვეტილების შემდეგ მიიღებს.

"ასეთი თხოვნით ევროკავშირმა მიმართა საქართველოს, რომლის შეიარაღებულ ძალებს აქვს ძალიან მაღალი გამოცდილება, დიდი პროფესიონალიზმი და საბრძოლო გამოცდილება და ჩვენ ვართ, ქართული მხარე, ამ წინადადების განხილვის სტადიაში", - განაცხადა ირაკლი ალასანიამ.

ცნობისათვის, ცენტრალური აფრიკის რესპუბლიკაში ამჟამად უსაფრთხოებას ევროკავშირისა აფრიკის კავშირის სამშვიდობო ძალები იცავენ და ამ პროცესში წამყავნი როლი საფრანგეთს უკავია. მან თავდაპირველად 1 000-ამდე სამხედრო გაგზავნა ამ რესპუბლიკაში.

ქვეყანა ქაოსმა მას შემდეგ მოიცვა, რაც 2013 წლის 24 მარტს აჯანყებულთა სელეკას კოალიციამ, რომლის შემადგენლობაშიც მეზობელი ჩადისა და სუდანის არაერთი მოქალაქეა გაერთიანებული, პრეზიდენტი ფრანკოს ბოზიზე ჩამოაგდო.

აფრიკის კავშირმა მთლიანობაში 6 000 სამშვიდობო გაგზავნა სამხრეთ აფრიკის რესპუბლიკაში და გასული წლის დეკემბერში საფრანგეთმა კვლავ გაზარდა თავის სამხედროების რიცხოვნობა მის ყოფილ კოლონიაში და ამჟამად მოკავშირე ძალებთან ერთად, 1 600 ფრანგი სამხედრო ცდილობს მშვიდობისა და უსაფრთხოების დამყარებას არეულობებით მოცულ ცენტრალური აფრიკის რესპუბლიკაში.

გასული წლის დეკემბერში გაეროს უშიშროების საბჭომ ნება დართო საფრანგეთს საჭიროების შემთხვევაში გამოიყენოს მომაკვდინებელი ძალა არეულობების აღსაკვეთად.