საქართველოს თავდაცვის მინისტრმა საქართველოში აზერბაიჯანის რესპუბლიკის საგანგებო და სრულუფლებიან ელჩთან, დურსუნ ჰასანოვთან გამოსამშვიდობებელი შეხვედრა გამართა. ელჩი საქართველოში დიპლომატიურ მისიას ასრულებს. თავდაცვის მინისტრმა აზერბაიჯანელ დიპლომატს საქართველოში საქმიანობის პერიოდში ორ ქვეყანას შორის არსებული მეგობრული ურთიერთობების კიდევ უფრო განმტკიცებისა და განვითარებისთვის მადლობა გადაუხადა.
შეხვედრაზე ხაზგასმით აღინიშნა აზერბაიჯანთან სტრატეგიული პარტნიორობის მნიშვნელობა, რაც რეგიონში სტაბილურობისა და უსაფრთხოების განმტკიცების მყარ საფუძველს წარმოადგენს; საუბარი შეეხო თავდაცვის სფეროში როგორც ორმხრივი, ისე სამმხრივი თანამშრომლობის ფორმატს, ასევე სამხედრო განათლებისა და წვრთნების სფეროში არსებული ურთიერთობების მნიშვნელობას.
შეხვედრის დასასრულს, ირაკლი ღარიბაშვილმა აზერბაიჯანელ ელჩს ეფექტიანი მუშაობისთვის მადლობა კიდევ ერთხელ გადაუხადა და მომავალ საქმიანობაში წარმატებები უსურვა.
ინფორმაციას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.