(GUARDIAN.GE) - „სტრატეგია აღმაშენებლის“ პრემიერ მინისტრობის კანდიდატი გიორგი ვაშაძე აცხადებს, რომ საქართველოში ბოლო წლების განმავლობაში კატასტროფულად არის მომატებული დანაშაული, ხოლო მკვეთრადაა დაცემული გახსნის მაჩვენებელი.

როგორც მან „ტვ პირველის“ პირდაპირ ეთერში განაცხადა, ხალხს არა პოლიტიკოსების ერთმანეთში კინკლაობა, არამედ სწორედ ამ პრობლემის მოგვარება აინტერესებს.

„35 000 იყო რეგისტრირებული დანაშაული 2015 წელს და 64 000-მდე გაიზარდა 2019-ში. კატასტროფულად მომატებული არის კრიმინალი ქვეყანაში. ახლა მეორე ციფრი, 60%-იდან 35%-მდე დაეცა გახსნის მაჩვენებელი დანაშაულის, ანუ წარმოიდგინეთ, რომ საქართველოში ხდება მკვლელობები, ყაჩაღობები, ძარცვები და ეს არის გაუხსნელი და დავარდა და დავარდა. აი ამ პრობლემის გადაჭრის გზას ზუსტად 2 დღეში ჩვენ შევთავაზებთ საზოგადოებას - როგორ გავათავისუფლოთ პოლიტიკური წნეხისგან პოლიციელი, როგორ დავუბრუნოთ პოლიციელს ღირსება. წარმოიდგინეთ, 3 დღის განმავლობაში, პოლიციელები, ათობით საპატრულო ეკიპაჟი დასდევდა ჩვენს ახალგაზრდებს ქუჩა-ქუჩა იმისთვის, რომ პლაკატს რატომ აკრავთ სამშენებლო ღობეზეო, არაფერს არ არღვევდა, და არ ეცალა დანაშაულის წინააღმდეგ ბრძოლაში და ორხევში ადამიანი დაჭრეს, სანამ პატრული არ გამოვიდა“, განაცხადა გიორგი ვაშაძემ.