არასამთავრობო ორგანიზაცია ,,მედიატორი" თბილისის რაიონების შესახებ ჩატარებულ კვლევას აქვეყნებს. ,,მედიატორის" დამფუძნებლის თეონა ჭალიძის განცხადებით, რაიონის გამგეობები თანხებს არამიზნობრივად ხარჯავენ:

,,ისანის, ჩუღურეთის და დიდუბის გამგეობები ბიუჯეტის თანხებს არამიზნობრივად ხარჯავენ. ამას მოწმობს ის ტენდერები, რომლებიც ჩაატარეს ბოლო ოთხი თვის განმავლობაში. ტენდერები ეხებოდა სპორტული ღონისძიებების ჩატარებას, რომელშიც ათიათასობით ლარი გადაიხადეს. ეს კი მაშინ ხდება, როცა არსებობს მერიის განათლების, სპორტისა და ახალგაზრდულ საქმეთა საქალაქო სამსახური, რომელსაც 40 მილიონ ლარზე მეტი აქვს ბიუჯეტი და ასევე გამგეობებშიც არიან შესაბამისი თანამშრომლები, რომლებსაც სწორედ მსგავსი ღონისძიებების ორგანიზება ევალებათ. ისინი სწორედ ამ საქმიანობაში იღებენ ყოველთვიურად ხელფასს, დანამატებსა და პრემიებს. შესაბამისად საფუძვლიანია კითხვები, თუ რაში დასჭირდა გამგეობებს აღნიშნული სპორტული ღონისძიებების ორგანიზებისათვის ტენდერების გამოცხადება და ამხელა თანხების გადახდა. აქვე აღსანიშნავია ის ფაქტიც, რომ ყველა ზემოთ ჩამოთვლილ ტენდერში გამარჯვებულია შპს ,,კონცეპტი”, რაც საფუძვლიან ეჭვს ბადებს – ხომ არ გვაქვს საქმე კორუფციულ გარიგებებთან. მინდა აქვე მივმართო აღნიშნული რაიონების გამგებლებს და შევთავაზო თუ თავიანთი ძალებით ვერ აორგანიზებენ მსგავს ღონისძიებებს, შემიძლია დავეხმარო და კონსულტაცია გავუწიო ან საერთოდაც დაორგანიზებაში დავეხმარო სრულიად უსასყიდოდ. ეს ათიათასობით ლარი კი ვურჩევ მიმართონ ბევრად მნიშვნელოვანი პრობლემების მოგვარებისკენ, რაც მრავლადაა აქვთ მოქალაქეებს.” - აცხადებს ჭალიძე.


მისივე თქმით - „აქვე აღსანიშნავია რომ ორგანიზატორი ამ ტურნირის რომელიც ისანში გაიმართა არის ჯაბა ჯიშკარიანი, საკრებულოს დეპუტატის ავლაბრის მაჟორიტარის შვილი. ორგანიზატორის ხელფასიც კი გაწერილია დოკუმენტაციაში რაც ნათელს ხდის რომ ოცნების დეპუტატი მონაწილეობს ამ კორუფციულ სქემაშიჯანსაღი ცხოვრების ხარჯზე მდიდრდებიან ოცნების დეპურატები და ოცნებასთან დაახლოებული პირები," - აცხადებს ,,მედიატორის' დამფუძნებელი თეონა ჭალიძე.