“ისლამურმა სახელმწიფომ” 100 მეომარი გააგზავნა თურქეთში, იქაური მეომრების სამხედრო მომზადების კურსების ჩასატარებლად. ამის შესახებ საინფორმაციო სააგენტო “Sputnik”-ის თურქული სამსახური იუწყება.


სირიაში მყოფი სანდო წყაროებიდან მიღებული ინფორმაციის მიხედვით, „ისლამურმა სახელმწიფომ“ თურქეთის წინააღმდეგ თავდასხმებისათვის მომზადების გადაწყვეტილება მიიღო, როგორც პასუხი ამ ქვეყნის მიერ „ისლამური სახელმწიფოს“ წინააღმდეგ განხორციელებული მოქმედებებისა -საჰაერო თავდასხმების განხორციელება, საზღვრის კონტროლის გამკაცრება, სამხედრო ბაზების კოალიციური ძალების თვითმფრინავებისთვის გახსნა და ა.შ.


ტერორისტული ორგანიზაცია, თურქეთის სხვადასხვა ქალაქში თავდასხმების მოწყობას აპირებს, თუკი ეს უკანასკნელი ამგვარ პოლიტიკას გააგრძელებს. მოცემული ინფორმაციის მიხედვით „ისლამური სახელმწიფოს“ 9 ემირი უკვე თურქეთში იმყოფება. ყოველი ერთი ემირის სარდლობის ქვეშ 12 რიგითი მეომარი შედის. ტერორისტების ძირითადი სამიზნეებია სტამბოლი, იზმირი, ანკარა, ქონია, დიარბაქირი და სხვა დიდი ქალაქები.


tvfree.ge