თბილისის ინფექციური საავადმყოფოს კლინიკურმა დირექტორმა, მარინა ეზუგბაიამ განაცხადა, რომ კორონავირუსის ახალი შემთხვევებიდან უმრავლესობა აჭარას უკავშირდება, 11 ინფიცირებულზე კი ეპიდკვლევა გრძელდება.

„დღეს დაგვემატა 152 ახალი შემთხვევა. აქედან, 90 არის აჭარა, 15 გახლავთ ქუთაისის 32-ე სკოლის შემთხვევები, 15 არის „ენგურჰესის“ კლასტერი, 17 დაავადებულთან კონტაქტი, ოთხი შემოტანილი შემთხვევა და 11 შემთხვევაზე გრძელდება კვლევა. გამოჯანმრთელებულები არიან მხოლოდ ექვსნი. კოვიდცენტრებში და სამკურნალო დაწესებულებებში ჯამურად 831 დადასტურებული პაციენტი მკურნალობს“, – აღნიშნა მარინა ეზუგბაიამ.

როგორც მან თქვა, კორონავირუსის 152 შემთხვევის გამოვლენა ეს არის ძალიან აქტიური კვლევების შემდეგ, ეს არის ზუსტად იმის საწინდარი, რომ ყველა გამოვლენილი შემთხვევა და მათი იზოლაცია გავრცელების პრევენციის საფუძველია.

მისივე თქმით, ორი-სამი დღე დინამიკაში შემთხვევების მატება თუ არ იქნება, ეს ნიშნავს, რომ ქვეყანაში ჩატარებული სამუშაოები არის ეფექტური.

„დღეს არის 152 შემთხვევა, ყოველ შემთხვევაში, გუშინდელ მონაცემზე მეტი არ არის. ეს მიმანიშნებელია, რომ სიტუაციის სტაბილიზაციაა. 152 შემთხვევის გამოვლენა ეს არის ძალიან აქტიური კვლევების ჩატარების შემდეგ. ეს არის ზუსტად იმის საწინდარი, რომ გარკვეულწილად, ყველა გამოვლენილი შემთხვევა და მათი იზოლაცია, გავრცელების პრევენციის საფუძველია.

ჩავთვალო, რომ ეს ორი-სამი დღე დინამიკაში მატება თუ არ გვექნება და ამ მაჩვენებელს შევინარჩუნებთ, ნელ-ნელა, როგორც დღეს, ნაკლები იყო გუშინდელზე, ასე გაგრძელდება, ნიშნავს, რომ ქვეყანაში ჩატარებული სამუშაოები მყისიერი თანაზომადი, არის ეფექტური. ეს ნიშნავს იმას, რომ გარკვეულწილად, გავრცელების პრევენციას მოვახერხებთ ყველა გამოვლენილის იზოლაციით“,- განაცხადა მარინა ეზუგბაიამ.