ის, რომ ყოფილი ხელისუფლების ნახევარი ციხეშია, ხოლო მეორე ნახევარმა ქვეყანა დატოვა და ან ძებნაშია, შემაშფოთებელია, - ამის შესახებ ევროპის საბჭოს საპარლამენტო ასამბლეის მომხსენებელმა პედრო აგრამუნტმა PAСE-ს პლენარულ სესიაზე მიმდინარე დებატებისას განაცხადა, სადაც ევროპის ადამიანის უფლებათა კონვეციის მონაწილე ქვეყნებში წინასწარი პატიმრობის ბოროტად გამოყენების შესახებ მის მიერ მომზადებულ ანგარიშს განიხილავენ.
აგრამუნტმა ასევე უპასუხა საქართველოს პარლამენტის საგარეო ურთიერთობათა კომიტეტის თავმჯდომარეს თედო ჯაფარიძეს.
"მე ვამაყობ, რომ "ევროპის სახალხო პარტიას" წარმოვადგენ. ანგარიშის თეზისები საკმაოდ ნათელია. თქვენ წარმოადგენთ "სოციალისტურ ჯგუფს" და საქართველოს სახელისუფლებო პარტიას, აქედან გამომდინარე, ბუნებრივია აზრთა სხვადასხვაობა", - განაცხადა აგრამუნტმა.
მისი თქმით, წინასწარი პატიმრობა უნდა გამოიყენებოდეს იმ შემთხვევებში, როდესაც არსებობს ბრალდებულის ქვეყნიდან მიმალვის ან დანაშაულის ჩადენის ნათლად გამოკვეთილი საფრთხე. ამასთან, არსებობს ელექტრონული მეთოდები ბრალდებულის გადაადგილების კონტროლისთვის, რისი გამოყენებაც უფრო მიზანშეწონილია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.