„რაც შეეხება მიხეილ სააკაშვილს პრემიერობას, ჩვენ ყველას გვახსოვს წლები, როდესაც მიხეილ სააკაშვილმა ქვეყანა დააყენა ფეხებზე, წამოაყენა და მართლაც ქვეყანა გახადა საქართველო, – განაცხადა ფონდ „იავნანას“ დამფუძნებელმა, პაატა ბურჭულაძემ ტელეკომპანია „პირველის“ პირდაპირ ეთერში ბერლინიდან ჩართვისას.

„რაც შეეხება მიხეილ სააკაშვილს, ჩემი პირადი აზრია, და მის პრემიერობას, მე მაგალითად ვუყურებ ამ საქმეს ასე, რომ არ არის საჭირო ახალი ველოსიპედის გამოგონება, როდესაც ის არსებობს საერთოდ და ჩვენ ყველას გვახსოვს წლები, როდესაც მიხეილ სააკაშვილმა ქვეყანა დააყენა ფეხებზე, წამოაყენა და მართლაც ქვეყანა გახადა საქართველო. ახლა ჩვენ სუყველანი ვეძებთ მეორე მიხეილ სააკაშვილს, რომ როგორმე ქვეყანა დააყენოს ფეხზე და არ არის საჭირო იმის მოძებნა, როდესაც ის არსებობს, როდესაც მან ბოდიში მოიხადა და მას აქვს გეგმა, რომლითაც შეიძლება, საქართველო ისევ ფეხზე დააყენოს და თან, ეს არ არის ის მიხეილ სააკაშვილი, ეს უკვე სხვა მიხეილ სააკაშვილია იმ მხრიდანაც კი, რომ მას გვერდში უდგას მთელი საერთაშორისო ორგანიზაციები, სახელმწიფოების პრემიერ-მინისტრები, მინისტრები და პრეზიდენტები. მას იცნობენ და პატივს სცემენ. ხომ ხედავთ, რომ მასზე არის გამოცხადებული ძებნა მთელს მსოფლიოში ვითომ და ის დადის მთელს მსოფლიოში კი არა და „სიენენზე“ გამოდის და „სიბიესზე“ გამოდის. ასე რომ, მე მგონი, ეს ჩემი აზრია, მე არავის არ ვახვევ ამას თავს, ჩვენ ეს შესაძლებლობა ხელიდან არ უნდა გავუშვათ და ისევ ის თუ დააყენებს ამ ქვეყანას ფეხზე“, – განაცხადა პაატა ბურჭულაძემ.