პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე დღეს „შრომის კოდექსში“ შესატან ცვლილებებზე მესამე მოსმენით იმსჯელებენ.
კანონპროექტი მოიცავს როგორც დისკრიმინაციის წინააღმდეგ ბრძოლის, ასევე დეკრეტული შვებულების საკითხს, სადაც მამის კომპონენტი შემოდის. კანონპროექტის მიხედვით, ასევე უნდა განისაზღვროს სამუშაო დროის რეგულირების საკითხი.
უმრავლესობა შემოთავაზებულ კანონპროექტს მხარს უჭერს. როგორც ჯანდაცვის კომიტეტის თავმჯდომარემ, დიმიტრი ხუნდაძემ განაცხადა, მმართველი გუნდის მიერ წარმოდგენილი შენიშვნები კანონპროექტის ავტორის მიერ გათვალისწინებულია.
„ჯანდაცვისა კომიტეტი განიხილავს წარმოდგენილ კანონპროექტს მესამე მოსმენით. ვფიქრობ, საკმაოდ დიდი სამუშაო ჩატარდა, საკმაოდ საინტერესო იყო განხილვები, როგორც პირველი, ისე მეორე მოსმენისთვის და საბოლოოდ ჩამოყალიბდა უფრო მეტად დახვეწილი საკანონმდებლო ბაზისი შრომითი ურთიერთობის თვალსაზრისით. ვფიქრობ, ამ ნაწილში ეს ურთიერთობები იქნება უფრო მეტად დაბალანსებული. შენიშვნების უმეტესი ნაწილი იქნა გათვალისწინებული, მათ შორის ერთ-ერთი მნიშვნელოვანი შენიშვნა, რომელიც გვქონდა ჯანდაცვის კომიტეტს, არის ის, რომ არ ყოფილიყო შეზღუდული ერთი და იმავე დასაქმებულის მხრიდან ორ სამსახურში მუშაობა, ეს გათვალისწინებული იქნა. ასე რომ, დასაქმებულებს ეს საფრთხე ნამდვილად არ ემუქრებათ”, – განაცხადა დიმიტრი ხუნდაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.