ვაკის რაიონში ბინათმესაკუთრეთა ამხანაგობებთან თანამშრომლობა გრძელდება. სხვადასხვა პროექტთან ერთად, ამ ეტაპზე, ბარნოვის N83-ში მრავალბინიანი სახლის გამაგრების სამუშაოები დასრულდა.
მოსახლეობის მომართვიანობის საფუძველზე და მათი უსაფრთხოების მიზნით, სამუშაოების მიმდინარეობისას გამაგრდა და განახლდა ავარიული სახლის საფუძველი და კედლები. მანამდე კი, გადახურვის რეაბილიტაცია განხორციელდა. აღნიშნულ სახლში რვა ოჯახი ცხოვრობს.
დასრულებულ პროექტს ვაკის რაიონის გამგებლის მოვალეობის შემსრულებელი დავით კვინიკაძე გაეცნო.
„გასული წლების მსგავსად, ავარიული სახლების გამაგრების პროექტების განხორციელება გრძელდება. აღნიშნულ სახლში ცხოვრება გარკვეულ საფრთხეს წარმოადგენდა, ამიტომ მისი რეაბილიტაცია უმნიშვნელოვანესია აქ მცხოვრები ადამიანებისთვის“, - განაცხადა დავით კვინიკაძემ.
ბარნოვის N83-ში გამაგრების პროექტის ღირებულება დაახლოებით, 146 000 ლარს შეადგენს.
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.