„ლეიბორისტული პარტიის“ თავმჯდომარე შალვა ნათელაშვილი აცხადებს, რომ ვინც „ნაციონალურ მოძრაობას“ ბიზნესმენების - კახაბერ ოქრიაშვილის, ცეზარ ჩოჩელის და დილარ ხაბულიანის დეპუტატებად ჩაწერა ურჩია, ის ამ პარტიის მტერია.

„ოლიგარქიას ოლიგარქებით ვერ დაამარცხებ. ეს ისტორიის კანონია. ვინც ჩვენს პარტნიორ „ნაციონალურ მოძრაობას“ ღვთის პირიდან გადავარდნილი ოქრიაშვილის, ჩოჩელის და ხაბულიანის დეპუტატებად ჩაწერა ურჩია, ის პირველ რიგში ამ პარტიის მტერი და რა თქმა უნდა, საქართველოს არაკეთილმოსურნეა. ივანიშვილს ერთი ხმა რომ დააკლდეს მთავრობის შესაქმნელად, ის ერთი აუცილებლად იქნება ამ სამეულის შემადგენლობიდან. ბოდიშს ვიხდი თუ ამ პოსტით ვინმეს ვაწყენინე“, წერს ნათელაშვილი სოციალურ ქსელში.