"ნაციონალური მოძრაობის" წევრების განცხადებით, დღეს 19:00 საათზე ბიძინა ივანიშვილის რეზიდენციასთან აქციას გამართავენ.
როგორც უმცირესობის წევრმა გივი თარგამაძემ ჟურნალისტებთან საუბრისას აღნიშნა, ისინი ქუთაისში, პარლამენტთან დაკავებული მათი სამი მომხრის მხარდამჭერ აქციებს ბიძინა ივანიშვილის რეზიდენციასთან გამართავენ, რადგან ქუთაისის საქალაქო სასამართლომ დღეს არასწორი გადაწყვეტილება მიიღო. აქციის მონაწილეები უკვე თბილისისკენ მოემართებიან.
გივი თარგამაძის თქმით, ეს პირადად არის ბიძინა ივანიშვილის გადაწყვეტილება და ქუთაისის საქალაქო სასამართლომ ეს გადაწყვეტილება აღსრულებაში მოიყვანა.
ქუთაისის საქალაქო სასამართლომ "ნაციონალური მოძრაობის" და "თავისუფალი ზონის" 3 წევრს წინასწარი ორთვიანი პატიმრობა მიუსაჯა. დაკავებულებს ბრალად ედებათ დეპუტატ დავით ლორთქიფანიძისთვის ფიზიკური შეურაცხყოფის მიყენება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.