ცესკო-მ აბსოლუტურად სწორი გადაწყვეტილება მიიღო, რომ ის ადამიანები, რომლებსაც არ შეუძლიათ, საარჩევნო უბანზე მივიდნენ და ხმა მისცენ, – განაცხადა პარლამენტის პირველმა ვიცე-სპიკერმა, გიორგი ვოლსკიმ.
მისივე თქმით, გადასატანი ყუთი რომელიმე კონკრეტულ პარტიას არ დააქვს, არამედ ამისთვის წარმომადგერნლობითი გუნდი უნდა იყოს მობილიზებული.
„რასაკვირველია, გადასატანი ყუთით მისასვლელი ადგილები გაიზრდება, მაგრამ გადასატანი ყუთი რომელიმე კონკრეტულ პარტიას არ დააქვს, წარმომადგენლობითი გუნდი უნდა იყოს და ყველამ კეთილი უნდა ინებოს, მოქალაქეებს საშუალება მისცენ, საკუთარი კონსტიტუციური მოვალეობა შეასრულონ.
29-30 ოქტომბერს დაფიქსირებულ მოქალაქეს შესაძლოა, დარეგისტრირების საშუალება არ ჰქონდეს, მაგრამ ეს არის დღევანდელი პანდემიის მოცემულობა, რაც არა მხოლოდ საქართველოში, არამედ მსოფლიოშია.
მმართველ პარტიას რა ინტერესი უნდა ჰქონდეს, არჩევნები გააყალბოს? არჩევნების გადადებას ვინ ითხოვს და ვის უნდა, რევოლუციური სცენარით პროცესების განვითარება აშკარაა. სახელმწიფოს ვალდებულება აქვს, გამჭვირვალე არჩევნები ჩაატაროს და არავის უნდა ჰქონდეს საშუალება, არჩევნები არათუ გააყალბოს, არამედ ეჭვი შეიტანოს არჩევნების გამჭვირვალეობასა და სამართლიანობაში“, – განაცხადა ვოლსკიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.