წალკის მუნიციპალიტეტის სოფელ ჩივთქილისის სომხური საჯარო სკოლა დღეიდან საარჩევნო პერიოდში დისტანციური სწავლების ერთკვირიან რეჟიმზე არ გადადის იმის მიუხედავად, რომ საარჩევნო უბანი ამ სკოლაშიც არის გახსნილი.

(GUARDIAN.GE-ის ფოტოზე: ჩივთქილისის საჯარო სკოლის დირექტორი, ქალბატონი ვართუი სარკსიანი)

როგორც GUARDIAN.GE-ის სკოლის დირექტორმა, ვართუი სარკსიანმა განუცხადა, ამის მიზეზი ისაა, რომ სკოლას გააჩნია დამხმარე, სკოლის ეზოში ცალკე მდგომი შენობა, სადაც სასწავლო პროცესი არ მიმდინარეობს და საარჩევნო უბანიც სწორედ იქ არის განთავსებული.

(GUARDIAN.GE-ის ფოტოზე ხელმარცხნივ: ჩივთქილისის საჯარო სკოლის ორი შენობა - სასწავლო და დამხმარე)

„ჩვენ სწავლას ჩვეულ რეჟიმში განვაგრძობთ, რადგან საარჩევნო უბანი ეზოში, სკოლის კუთვნილ, თუმცა განცალკევებულ შენობაშია გახსნილი.

(GUARDIAN.GE-ის ფოტოზე: ჩივთქილისის საჯარო სკოლის ორი შენობა - სასწავლო და დამხმარე)

„მოგეხსენებათ არჩევნები 31 ოქტომბერს, შაბათ დღეს ტარდება, სკოლა კი ამ დღეს ისვენებს, დაკეტილია და შესაბამისად, სასწავლო პროცესი არ მიმდინარეობს.

(GUARDIAN.GE-ის ფოტოზე: ჩივთქილისის საჯარო სკოლის დამხმარე შენობა)

„აქედან გამომდინარე, ჩივთქილისის საჯარო სკოლა დღესაც, ხვალაც და ზეგაც, საკლასო ოთახებში ჩვეულებრივ განაგრძობს სწავლის პროცესს. არჩევნების მეორე დღეს, კვირას, ჩვენ დამხმარე შენობას დეზინფექცია ჩაუტარდება და ორშაბათს ისევ საკლასო ოთახებში გაგრძელდება სასწავლო პროცესი“, განუცხადა GUARDIAN.GE-ის სკოლის დირექტორმა, ქალბატონმა, ვართუი სარკსიანმა.

(GUARDIAN.GE-ის ფოტოზე: ჩივთქილისის საჯარო სკოლის დირექტორი, ქალბატონი ვართუი სარკსიანი)