ორფოლოს სამხედრო პოლიგონზე მე-3 ქვეითი ბრიგადის გეგმური საველე სწავლება საბრძოლო სროლებით დაიწყო. წვრთნებში 31-ე ბატალიონის გაძლიერებული ასეული და მესამე ქვეითი ბრიგადის საარტილერიო დანაყოფი მონაწილეობდნენ. საჩვენებელ საველე სწავლებას დასავლეთ სარდლობის ხელმძღვანელი, პოლკოვნიკი მიხეილ სადუნიშვილი და მესამე ქვეითი ბრიგადის მეთაური, ვიცე-პოლკოვნიკი როლანდ კიკნაველიძე დაესწრნენ.
საქართველოს თავდაცვის სამინისტროს ინფორმაციით, საველე წვრთნის დროს მესამე ქვეითი ბრიგადის გაძლიერებულმა ასეულმა თავდაცვითი ოპერაცია აწარმოა. ოპერაციის შესრულებისას 31-ე მსუბუქი ქვეითი ბატალიონის ასეულს დამოუკიდებლად უნდა გამოეძახებინა საარტილერიო მხარდაჭერა და კოორდინატებიც თავად გადაეცა.
სწავლების დროს სამხედროებმა სხვადასხვა ტიპის ტანკსაწინააღმდეგო შეიარაღება გამოიყენეს. მეცადინეობისას სამხედრო ხელმძღვანელობამ ქვეითი ასეულის და საარტილერიო დანაყოფის კოორდინირებული მოქმედებები შეაფასეს.
სამხედრო სწავლება 22 სექტემბერს დაიწყო და 5 ოქტომბერს დასრულდა. წვრთნებში მე-3 ქვეითი ბრიგადის არტილერისტებთან ერთად 140 ქვეითი ჯარისკაცი მონაწილეობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.