ცენტრალური საარჩევნო კომისია საქართველოს 2020 წლის საპარლამენტო არჩევნების პირველად წინასწარ შედეგებს აქვეყნებს - 3 847 უბნიდან 2 787 უბნის, 72.45%.

ცენტრალური საარჩევნო კომისიის ოფიციალური მონაცემების მიხედვით, პროპორციული არჩევნების ხმები, რომელიც 2 787 საარჩევნო უბნის მონაცემებს ასახავს, შემდეგნაირად გადანაწილდა:

„ქართული ოცნება - დემოკრატიული საქართველო“ – 48,51% (651 383 ხმა)

„ერთიანი ნაციონალური მოძრაობა - გაერთიანებული ოპოზიცია“ - 26,15% (351 183 ხმა)

„ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის“ - 3,8% (50 981 ხმა)

ლელო - მამუკა ხაზარაძე - 3,28% (43 990 ხმა)

დავით თარხან-მოურავი, ირმა ინაშვილი - საქართველოს პატრიოტთა ალიანსი - 3,23% (43 316 ხმა)

გიორგი ვაშაძე - სტრატეგია აღმაშენებელი (ახალი საქართველო) - 3,15% (42 263 ხმა)

„გირჩი“ – 3,07% (41 251 ხმა)

ალეკო ელისაშვილი - მოქალაქეები - 1,41% (18 932

შალვა ნათელაშვილი - საქართველოს ლეიბორისტული პარტია - 1.03% (13 656)

ნინო ბურჯანაძე - ერთიანი საქართველო - დემოკრატიული მოძრაობა - 0,86% (11 548 ხმა)

ეს არის 2787 საარჩევნო უბნის მონაცემები და ცესკოს ვებგვერდზე საარჩევნო უბნების მიხედვით მონაცემები სისტემატურად ახლდება.

ამომრჩეველმა არჩევანი 50 საარჩევნო სუბიექტს - ორ ბლოკსა და 48 პარტიას შორის გააკეთა. საპარლამენტო არჩევნებისთვის 38 ქვეყანაში 52 საარჩევნო უბანი ფუნქციონირებდა. 2020 წლის 31 ოქტომბრის არჩევნებისთვის კოვიდდაწესებულებებში 127 საარჩევნო უბანი მუშაობდა. პენიტენციურ დაწესებულებებში კი 10 საარჩევნო უბანი ფუნქციონირებდა.

2020 წლის საპარლამენტო არჩევნებს 132 ადგილობრივი და 23 საერთაშორისო ორგანიზაციის წარმომადგენელი აკვირდებოდა.