„ევროპული საქართველოს“ ლიდერი, გიგი უგულავა აცხადებს, რომ მეათე მოწვევის პარლამენტი გაყალბებულია და არალეგიტიმურობის გამო მალე ჩამოიშლება.

მისივე თქმით, „ევროპული საქართველოს“ გადაწყვეტილებაა, სრული ბოიკოტი გამოუცხადოს პარლამენტს.

„დღეს, აი ამ გაყალბებულ პარლამენტში შესვლა, ნიშნავს პირდაპირ არა პარლამენტში შესვლას, არამედ „ქართულ ოცნებაში“ შესვლას. „ევროპული საქართველოს“ გადაწყვეტილება არის - სრული ბოიკოტი გამოუცხადოს ამ პარლამენტს. არც ერთი ჩვენთაგანი არ მიიღებს იმ გადმოგდებულ მანდატებს იმიტომ, რომ ეს პარლამენტი არ ასახავს ქართველი ხალხის ნებას. შესაბამისად „ქართულ ოცნებას“ აქვს ორი არჩევანი: პირველი, რასაც ვითხოვთ პატიოსანი და სამართლიანი რიგგარეშე არჩევნები, სხვა შემთხვევაში, საქართველოს მეათე მოწვევის პარლამენტი თავისი არალეგიტიმურობის და აბსურდულობის გამო აუცილებლად ძალიან მალე ჩამოიშლება,“ - აცხადებს გიგი უგულავა.