ერთადერთი ადამიანი ვისაც დღეს ქვეყანაში უნდა შემოიტანოს დესტაბილიზაცია, არეულობა, ერთმანეთს დააპირისპიროს საზოგადოება, არის მიხეილ სააკაშვილი, რომელიც კარგად ხვდება, რომ ის არჩევნებით ხელისუფლებაში უმრავლესობით ვერ მოვა და ცდილობს რევოლუციური, დაპირისპირების გზით როგორმე ქვეყანაში შემოიტანოს არეულობა, - განაცხადა „ქართული ოცნების“ გენერალურმა მდივანმა, კახა კალაძემ „იმედის კვირის“ ეთერში.

„სანამ ჩვენ ხელისუფლებაში ვართ, არავის მივცემთ იმის შესაძლებლობას, რომ ქვეყანაში იდევნებოდეს განსხვავებული პოლიტიკური შეხედულებების მქონე ადამიანები, ან ვინმემ ხელი შეუშალოს სიტყვისა და გამოხატვის თავისუფლებას. ყველას აქვს უფლება მოაწყოს მიტინგები, აქციები, გამოხატოს წყენა სხვადასხვა ფორმით, მაგრამ თუკი ვინმე შეეცდება ქვეყანაში არეულობის შემოტანას და გასცდება კანონის ჩარჩოებს, სახელმწიფოს მხრიდან, ხელისუფლების მხრიდან ამას მოჰყვება ძალიან მკაცრი რეაგირება. დღეს სასიცოცხლოდ მნიშვნელოვანია შევინარჩუნოთ სიმშვიდე , მშვიდობა და სტაბილურობა“, - განაცხადა კახა კალაძემ.