„პატრიოტთა ალიანსის“ ლიდერი, ირმა ინაშვილი აცხადებს, რომ 7 ნოემბერს 5 საათზე, თავისუფლების მოედანზე აქცია გაიმართება.

„ყველას ვეუბნები: თვალის დახუჭვა იმაზე, რაც მოხდა, არის უზნეობა! არჩევნების გაყალბება სისხლის სამართლის დანაშაულია. ფეიკ-ოქმებს ავრცელებენო, აქაც ორგანიზებულ კამპანიას რომ ეწევით, რა ფეიკი, მთელი თქვენი არჩევნები ფეიკია. ცესკოს საიტზე დევს ეს ოქმები, ცესკოც ფეიკია ამ ლოგიკით. 7 ნოემბერს, საღამოს 5 საათზე პატრიოტები ვიკრიბებით თავისუფლების მოედანზე! არ მოხდება ამ გაყალბებული არჩევნების აღიარება. ყველა გამყალბებელი დაისჯება. ეს მხოლოდ დასაწყისია", - წერს ირმა ინაშვილი Facebook-ზე.

ინაშვილის განცხადებით, „ქართული ოცნების“ ლიდერი, ირაკლი კობახიძე მათ წინააღმდეგ „მგზნებარე კოორდიანტორებს რაზმავს“. მისი თქმით, ის ავრცელებს მესიჯებს, თითქოს „პატრიოტთა ალიანსის“ ამომრჩეველი არჩევნებზე არ მივიდა.