დღეს არის ისტორიული დღე, 30 წელიწადია, პოლიტიკური ოპოზიცია ამ ქვეყანაში ლაპარაკობს სხვადასხვა ინტენსივობით არჩევნების გაყალბებაზე, მაგრამ არასდროს ასეთი ერთსულოვნება არ ყოფილა იმასთან დაკავშირებით, რომ თუ არის სიყალბე, ამ სიყალბეში არ უნდა მიიღო მონაწილეობა, – განაცხადა „ევროპული საქართველოს“ წევრმა, გიგი უგულავამ.

როგორც უგულავამ აღნიშნა, დღეს ოპოზიციამ სამართლიანი თამაშის წესებისადმი პოლიტიკური სიმწიფე და ერთგულება აჩვენა.

„დღეს პარლამენტში შესვლა ნიშნავს „ქართულ ოცნებაში“ შესვლას და არა პარლამენტში შესვლას, ამიტომაც ვარ ამაყი, რომ სრულიად საქართველოს ოპოზიციამ მიიღო ეს გადაწყვეტილება. ეს ერთსულოვნება ნიშნავს, რომ ჩვენ ან გვექნება ახალი არჩევნები ან მივიღებთ ივანიშვილის ჯამახერიას, რომელიც ასევე ჩამოიქცევა. ყველაზე გვიან გაზაფხულზე ეს პარლამენტი ჩამოიქცევა“, – განაცხადა გიგი უგულავამ.