წუხელ რუსთაველზე ცეკვავდნენ...უკომენტაროდ. ისედაც ზედმეტად დიდ ყურადღებას უთმობს სოცქსელ საზოგადოება... ამ დროს სამეზობლოში სრულიად ახალი რეალობა ჩამოყალიბდა და იქაც, ბაქოში, ცეკვავენ, უხარიათ და ზეიმობენ გამარჯვებას!
ექვსკვირიანი ომის შედეგად ყარაბაღი და მიმდებარე რაიონები უბრუნდება აზერბაიჯანს.
ფაშინიანი მალე მიდის და მოდის ახალი, მთავრობა. როგორი? გამოიცანით. ალიევი ეროვნული გმირია (სამართლიანად) და მისი ისტორიული მიზანი მიღწეულია.
პარტია "ფაშინიანი იწყებს და მარცხდება" გაწერილ-დაგეგმილ-შესრულებულია ვირტუოზულად.
დიდი მსხვერპლის სანაცვლოდ... ღმერთმა აცხონოს გმირები!
რუსეთის მიზანი:
რუსული არმია ახალი, სამშვიდობო სტატუსით შედის და რჩება რეგიონსა და აზერბაიჯანში როგორც გარანტი და არა მარტო მშვიდობის...
მთავარი:
ყალიბდება ახალი სატრანსპორტო-ენერგეტიკული კორიდორი პირობითი მარშრუტით: სამური (რუსეთ-აზერბაიჯანის საზღვარი)-შირვანი-არაქსის ხეობა-ნახჩევანი-იღდირი (თურქეთი).
აზერბაიჯანი შუააზიური და საკუთარი ენერგორესურსისების გარდა რუსულსაც გაატარებს და ტერიტორიების დაბრუნებასთან ერთად დიდ სარგებელსაც ნახავს.
თურქეთი ამ ყველაფრის მონაწილე და მეწილეა.
და სად ვართ ჩვენ, ჩვენი გეოპოლიტიკური ინტერესებით?
გავიგებთ ალბათ მალე, ვუდუ-აფრიკულ ცეკვებს და ბუშტაბოლის თამაშს რომ მოვრჩებით რუსთაველზე მერე.
გიორგი სეთურიძე,
საავტომობილო გზების დეპარტამენტის ყოფილი თავმჯდომარე
წყარო: Facebook
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.