სახელმწიფო ერთ კილოგრამ მწიფე ალექსანდროულსა და მუჯურეთულს 5 ლარად, არაკონდიციურ ყურძენს, რომლის შაქრიანობა 21 გრადუსზე ნაკლები იქნება 3 ლარად, ძელშავისა და შერეული ჯიშის ყურძენს კი 70 თეთრად ჩაიბარებს. ამის შესახებ დღეს გამართულ ბრიფინგზე სოფლის მეურნეობის მინისტრმა ოთარ დანელიამ განაცხადა.
როგორც მინისტრმა აღნიშნა, რამდენიმე დღეში რაჭასა და ლეჩხუმში რთველი დაიწყება. მისი თქმით, წელს რაჭაში არის კარგი მოსავალი და ეს გაზრდილია შარშანდელ და შარშანწინდელ მაჩვენებლებთან შედარებით.
"სახელმწიფო მზად არის ჩაიბაროს ჭარბი ყურძენი, იმიტომ, რომ ეს არის ძალიან მნიშვნელოვანი რეგიონი. არც ერთი რეგიონი არ არის ნაკლებად მნიშვნელოვანი, მაგრამ ჩვენ არ ვმალავთ და პირიქით ვახალისებთ ჩვენს თანადგომას მაღალმთიან რეგიონებთან მიმართებაში. თქვენ იცით, რომ ამ მიმართულებით შესაბამისი საკანონმდებლო ბაზაც შეიქმნა და ჩვენთვის მნიშვნელოვანია მაღალმთიანი რეგიონების ხელშეწყობა", - განაცხადა ოთარ დანელიამ.
ამბროლაურის მუნიციპალიტეტში, სახელმწიფოს ხელშეწყობით, მოსახლეობიდან ყურძნის მიმღები 6 პუნქტი გაიხსნება, რომელიც 08.00 საათიდან 18.00 საათამდე იმუშავებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.