„ერთიანი ნაციონალური მოძრაობის“ პოზიცია უცვლელია, - ასე გამოეხმაურა „ერთიანი ნაციონალური მოძრაობის" წევრი, ნუგზარ წიკლაური გადაცემა „დღის სტუმარში" გრიგოლ ვაშაძის განცხადებას.

მან აღნიშნა, რომ ისინი არც პარლამენტში შესვლას და არც მეორე ტურში მონაწილეობას არ აპირებენ.

„ჩვენი პარტიის პოზიცია არის უცვლელი, ეს გახლავთ ის რომ არჩევნები, რომელიც ჩატარდა 31 ოქტომბერს არ იყო არჩევნები, ჩვენ არჩევნების ლეგიტიმურობას არ ვცნობთ და სწორედ ამიტომ, ერთიანი ნაციონალური მოძრაობის წარმომადგენლობა არ იქნება ამ პარლამენტში, არ მიიღებს მონაწილეობას არც მეორე ტურებში და როგორც ერთადერთი ფორმა, რაც დაგვიტოვა ოლიგარქმა პოლიტიკური ბრძოლებისათვის, ჩვენ არჩეული გვაქვს პოლიტიკური ბრძოლის საჯარო პროტესტის გზა, ეს არის კანონიერი გზა, კონსტიტუციური გზა და ამავე დროს ეს იქნება ძალიან პრინციპული, გამარჯვებამდე მივალთ სწორედ ამ გზით, და მთელი ყურადღება პარტიის არის გადატანილი რომ ეს პროტესტი იყოს მასობრივი და არჩევნები არ შევარჩინოთ ოლიგარქს", – განაცხადა ენმ–ს წევრმა ნუგზარ წიკლაურმა.