„სტრატეგია აღმაშენებლის“ ლიდერმა, გიორგი ვაშაძემ რუსთაველის გამზირზე მიმდინარე აქციაზე სიტყვით გამოსვლისას განაცხადა, რომ ქვეყანა, სადაც მოქალაქეებს არ აქვთ საშუალება, საკუთარი ბედი თავად გადაწყვიტონ, განწირულია კრახისთვის.

მან „ქართულ ოცნებას“ მოუწოდა, გონს მოეგოს.

„ქართულ ოცნებას“ მივმართავ, გონს მოეგოს და მესამე რაუნდი რომ იქნება, თქვენგან ადეკვატურ პასუხს ველოდებით. მოგვეცით პასუხი იმაზე, რასაც ჩვენ ვითხოვთ, პასუხი გაეცით ხალხს, რათა ქვეყანაში არსებული უბედური დაპირისპირება დავამთავროთ. ეს ყველას მოგვბეზრდა. ქუჩაში ერთმა ადამიანმა გამაჩერა და მითხრა, გიორგი აღარ შემიძლიაო. ალბათ, ყველა ასე ვართ. ამ უსამართლობას რომ ვუყურებთ, ყველას გვგონია, რომ აღარ შეგვიძლია, მაგრამ ყველას გთხოვთ, ცოტა გავუძლოთ – ახლა გადამწყვეტი ბრძოლაა“, – განაცხადა ვაშაძემ.