მესტიის მუნიციპალიტეტში, ცხუმარის საავტომობილო გზის რეაბილიტაცია დაიწყო. პროექტის განხორციელების სახელშეკრულებო ღირებულებაა 3 934 898 (სამი მილიონ ცხრაას ოცდათოთხმეტი ათას რვაას ოთხმოცდათვრამეტი) ლარი.

პროექტის მიხედვით 2 586 მ-ზე დაიგება ასფალტ-ბეტონის საფარი. ამ ეტაპზე მიმდინარეობს მოსამზადებელი სამუშაოები, გზის ვაკისის გაფართოება და ფორმირება, გრუნტის დამუშავება ექსკავატორით ავტოთვითმცლელზე.

სამშენებლო სამუშაოებს ელექტრონულ ტენდერში (NAT200012702) გამარჯვებული კომპანია შპს „ლიდერ +“ ასრულებს.

ახალი კორონავირუსის (COVID-19) გავრცელებასთან დაკავშირებით, ქვეყანაში შექმნილი მდგომარეობიდან გამომდინარე, სამშენებლო კომპანია ვალდებულია სამუშაოების შესრულების პროცესში უზრუნველყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და საზოგადოებრივი ჯანმრთელობის ეროვნული ცენტრის მიერ გაცემული რეკომენდაციების დაცვა.

ინფორმაციას მესტიის მერია ავრცელებს.