Georgian Rugby-ის ფოტო

საქართველოს მორაგბეთა ეროვნულის ნაკრების „შემოდგომის ერთა თასის“ ჯგუფური ეტაპის ირლანდიის წინააღმდეგ დასკვნით შეხვედრას, რომელიც ირლანდიელების გამარჯვებით - 23:10 დასრულდა, „Georgian Rugby“ ეხმაურება და აცხადებს, რომ „დღევანდელ მატჩში „ბორჯღალოსნები“ ბოლომდე დარჩნენ თამაშში“, რაც იმის ნიშანია, რომ „გუნდი აგრძელებს თამაშიდან-თამაშამდე ზრდას“.

„ბევრად უკეთ ვიდრე უელსთან! დასრულდა „ბორჯღალოსნების“ ჯერ-ჯერობით საუკეთესო მატჩი შემოდგომის ერთა თასზე .

დღევანდელ მატჩში „ბორჯღალოსნები“ ბოლომდე დარჩნენ თამაშში, ბევრიც ვუტიეთ და თავსაც კარგად ვიცავდით, რისი ნათელი მაგალითია მეორე ტაიმი, სადაც გუნდებმა მხოლოდ 3-3 ქულა გავცვალეთ.

ამრიგად, გუნდი აგრძელებს თამაშიდან-თამაშამდე ზრდას და წინ ტურნირის ბოლო მატჩია, რომელშიც ბორჯღალოსნები ფიჯის 5 დეკემბერს მარიფილდზე დაუპირისპირდებიან.

კიდევ ერთხელ განსაკუთრებული მადლობა გვინდა გადავუხადოთ გულშემატკივრებს, რომლებიც მთელი ტურნირის განმავლობაში, განსაკუთრებულად ამხნევებდით „ბორჯღალოსნებს“, შეცდომებსაც აღნიშნავდით და არც კარგ თამაშს უვიწყებდით ბიჭებს“, ნათქვამია Georgian Rugby“-ის მიერ გავრცელებულ განცხადებაში.