პროექტი „საახალწლო სოფელი“ წელს პანდემიის გამო ვერ განხორციელდება - განაცხადა დედაქალაქის მერმა, კახა კალაძემ დედაქალაქის მუნიციპალიტეტის მთავრობის სხდომაზე.
„ვიცით, რა რთული ვითარებაა ჩვენს ქვეყანაში და მსოფლიოში, ვებრძვით პანდემიას. იმისთვის, რომ გავუფრთხილდეთ ერთმანეთის ჯანმრთელობას და სიცოცხლეს, მივიღეთ გადაწყვეტილება, რომ წელს საახალწლო სოფელი ვერ განხორციელდება. ეს შექმნიდა მიზიდულობის ცენტრს, მოვიდოდა ბევრი ადამიანი და დიდი საფრთხე შეიქმნებოდა. ამიტომ, საახალწლო სოფელი წელს ვერ ჩატარდება“, - განაცხადა კახა კალაძემ.
თბილისის მერის თქმით, პროექტის განსახორციელებლად გამოყოფილი თანხა შეჭირვებულ ოჯახებს მოხმარდება.
„ეს პროექტი, დაახლოებით, 700-800 ათასი ლარი გვიჯდებოდა. ეს თანხა მიმართული იქნება სარეზერვო ფონდში. ჩვენ დავეხმარებით იმ ოჯახებს, რომელსაც ყველაზე მეტად სჭირდება ჩვენი თანადგომა. წინასაახალხლო დღეებში მათ საკვები პროდუქტებით უზრუნველვყოფთ“, - აღნიშნა კახა კალაძემ.
დედაქალაქის მერმა ბიზსნესსექტორს მხარდაჭერისთვის მადლობა გადაუხადა და აღნიშნა, რომ საახალწლოდ ლამაზად მორთული და განათებული ქალაქი მათი დამსახურება იქნება.
ასევე, კახა კალაძემ სოციალურად დაუცველი მარტოხელა მოხუცების საკვები პროდუქტებით და ჰიგიენის პირველადი მოხმარების ნივთებით უზრუნველყოფის შესახებაც ისაუბრა და პროცესში ჩართვისა და მხარდაჭერისთვის ბიზნესსექტორს მადლობა გადაუხადა.
„ნახევარი მილიონი ლარი განსაზღვრულია სარეზერვო ფონდიდან და დაწყებული გვაქვს პროდუქტების შეძენა, რომელსაც დავარიგებთ. მინდა, დიდი მადლობა გადავუხადო ბიზნესსექტორს მხარდაჭერისა და თანადგომისთვის. უკვე ძალიან ბევრი ზარი შემოვიდა ცხელ ხაზზე, არის სრული მზადყოფნა, რომ მონაწილეობა მიიღონ პროდუქტებით უზრუნველყოფაში. ეს პლატფორმა შექმნილია ყველასთვის და ასევე, მინდა მივმართო ახალგაზრდებს, მოხალისეებს, ვისაც სურვილი გაქვთ, ჩაერთოთ ამ ღონისძიებაში, დაეხმაროთ მუნიციპალიტეტს პროდუქტების მიტანაში კონკრეტულ ადამიანებთან, გვაქვს სრული მზადყოფნა: ამაში ჩართული არიან ჩვენი გამგეოების თანამშრომლები და გადამზადდებიან ადამიანები, რომ მაქსიმალურად დავიცვათ როგორც საკუთარი თავი, ასევე, ის კონკრეტული ოჯახები და ადამიანები, სადაც მოგვიწევს მისვლა. რა თქმა უნდა, უსაფრთხოების წესები ყველანაირად დაცული იქნება“, - განაცხადა დედაქალაქის მერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.