საბრძოლო მზადყოფნის ამაღლების, საარტილერიო და ტანკსაწინააღმდეგო ქვედანაყოფებთან ურთიერთშერწყმისა და კოორდინირებული მოქმედებების დახვეწის მიზნით III ქვეითი ბრიგადის 31-ე ბატალიონმა ორფოლოს პოლიგონზე გეგმიური 2-კვირიანი საველე სწავლება ჩაატარა.
სწავლებას დასავლეთის სარდალი, პოლკოვნიკი კობა გრიგოლია დაესწრო.
საველე წვრთნები ორფოლოს პოლიგონზე საბრძოლო სროლებით დასრულდა. სწავლების სცენარის მიხედვით, 31-ე ბატალიონმა პირობით მოწინააღმდეგეზე შეტევა განახორციელა და ობიექტი დაიპყრო, რათა მოწინააღმდეგის მხრიდან ძირითადი ძალების მისაღებად პლაცდარმის მომზადება არ დაეშვა. ამოცანის შესასრულებლად კი, ქვედანაყოფმა მხარდამჭერ ძალებთან ერთად შეტევითი ოპერაციები და ტაქტიკური გადაადგილება განახორციელა, დაიკავა თავმოყრის რაიონი და გაანადგურა პირობითი მოწინააღმდეგე.
ორკვირიან სწავლებაში III ქვეითი ბრიგადის 139 სამხედრო მოსამსახურე მონაწილეობდა. 31-ე ბატალიონის „ჩარლი“ ასეულმა გეგმიური სწავლება III ქვეითი ბრიგადის საინჟინრო, დაზვერვის ასეულის სნაიპერთა და ტანკსაწინააღმდეგო ასეულის სამხედროებთან ერთად ჩაატარა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.