„გირჩი“ არის იდეა, „გირჩი“ არ არის არც ფურცელი, არც ფეიჯი, არც ჯედ-ები, „გირჩი“ არის ადამიანები, რომლებსაც სჯერათ ამ იდეის, – განაცხადა „გირჩის“ ლიდერმა, ზურაბ ჯაფარიძემ.

მისივე თქმით, ისევ აპირებს, გააგრძელოს „გირჩის“ კეთება.

„მე ვაპირებ, რომ გავაგრძელო „გირჩის“ კეთება. ნუ, მარტო ჩემზე კი არ არის, ჩემს გვერდით არის უამრავი ადამიანი, ვინც წლების განმავლობაში „გირჩს“ აკეთებდა. ახლა ისე გამოდის, თითქოს „გირჩი“ ოთხი ადამიანი იყო. არა, ოთხი ადამიანი იყო, ვინც შეიძლება, იყო წინა ხაზზე და ადამიანები ხედავდნენ. „გირჩს“ აკეთებდა უამრავი სხვა ადამიანი, რომლებიც ჩემთან ერთად არიან, მათ შორის, მხარდამჭერებიც, დამფინანსებლებიც და ა.შ. ვაპირებ იმის კეთებას, რასაც აქამდე ვაკეთებდი, ისევ გირჩი ვარ, ისევ ზურა გირჩი ჯაფარიძე ვარ, ისევ იმავეს კეთებას ვაპირებ, რასაც აქამდე ვაკეთებდი. ვაგრძელებ ბრძოლას, რისიც მე მჯერა და რისიც ჩემს მეგობრებს სჯერათ“, – აღნიშნა ზურაბ ჯაფარიძემ.