80 წლის ასაკში, ცნობილი ქართველი მსახიობი და რეჟისორი გოგი ქავთარაძე გარდაიცვალა.

გოგი ქავთარაძემ 1967 წელს დაამთავრა შოთა რუსთაველის თეატრისა და კინოს სახელმწიფო უნივერსიტეტი.

იგი 1963–1969 და 1972–1976 წლებში იყო რუსთაველის თეატრის მსახიობი, რეჟისორი; 1969–1972 წლებში ბათუმის თეატრის მთავარი რეჟისორი, ხოლო 1974–1976 წლებში თეატრალური ინსტიტუტის პედაგოგი. 1976–1982 წლებში ქუთაისის თეატრის დირექტორი, სამეცნიერო ხელმძღვანელი. 1982-1992 — სოხუმის თეატრის დირექტორი, სამხატვრო ხელმძღვანელი, ხოლო 1992-1999 წლებში ალექსანდრე გრიბოედოვის სახელობის რუსული დრამატული თეატრის სამხატვრო ხელმძღვანელი; 1999–2004 წლებში რუსთავის თეატრის სამხატვრო ხელმძღვანელი.

გადაღებულია 25 ფილმში, იყო ერთი ფილმის რეჟისორი, საქართველოს კინემატოგრაფისტთა შემოქმედებითი კავშირის წევრი, საქართველოს სახელმწიფო პრემიის ლაურეატი, კოტე მარჯანიშვილის პრემიის ლაურეატი და ღირსების ორდერის კავალერი.

გოგი ქავთარაძე 2012-2016 წლებში „ქართული ოცნების" მაჟორიტარი დეპუტატი იყო ზესტაფონის საარჩევნო ოლქიდან.