წალკის მუნიციპალიტეტის სოფელ აშკალის საჯარო სკოლა ონლაინ სწავლებაზე გადავიდა. როგორც სკოლის დირექტორმა ვაჟა ზურნაჩიანმა GUARDIAN.GE-ის უთხრა, სკოლის ორ მასწავლებელს კორონავირუსი დაუდასტურდა და აღნიშნულიდან გამომდინარე დირექციამ სწავლების დისტანციურ რეჟიმში გაგრძელების გადაწყვეტილება მიიღო.

ზურნაჩიანი იმედოვნებს, რომ მეორე სემესტრი საკლასო ოთახებში განახლდება.

„დღემდე ვახერხებდით სწავლის საკლასო ოთახებში ჩატარებას, მაგრამ ორი პედაგოგი ვირუსით დაინფიცირდა და აქედან გამომდინარე, ვალდებულები ვიყავით სკოლა დაგვეკეტა და პირველი სემესტრის დასრულებამდე დარჩენილი დღეები დისტანციურ სწავლებაზე გადავსულიყავით. თითქმის მთელი პირველი სემესტრი მოვახერხეთ, რომ სკოლა არ გაჩერებულიყო და საკლასო ოთახებში ჩავგვეტარებინა გაკვეთილები. იმედი მაქვს, რომ ახალი წლიდან, 18 იანვრიდან, ისევ დავუბრუნდებით სწავლების ტრადიციულ ფორმატს“, განუცხადა GUARDIAN.GE-ის ვაჟა ზურნაჩიანმა.