საჭიროა, რომ ყველა ქართველი დეპუტატი პარლამენტში იყოს, რათა მიიღონ საკონსტიტუციო ცვლილებები და იბრძოლონ იმ ცვლილებებისთვის, რომელთა ნახვაც სურთ პარლამენტში. დემოკრატიის ჩარჩო უკვე ააშენეთ. ახლა საქართველოს პოლიტიკურმა ლიდერებმა უნდა გამოიყენონ ეს ჩარჩო თქვენი დემოკრატიის გასაძლიერებლად, - განაცხადა ამერიკის შეერთებული შტატების ელჩმა საქართველოში, კელი დეგნანმა ტელეკომპანია „ფორმულასთან“ საუბრისას.
ელჩის თქმით, გრძელვადიანი ერთპარტიული პარლამენტი საქართველოსთვის ძალიან იმედის გამაცრუებელი უკანდახევა იქნება.
„ჩვენ ახლა ვხედავთ, რომ არსებობს შანსი საბოლოოდ გადაიჭრას პრობლემები საარჩევნო სისტემაში. პრობლემები, რომლებზეც ODIHR-იც და სხვა დამკვირვებლებიც მიუთითებდნენ. მაგრამ ამისათვის საჭიროა, რომ საქართველოს ყველა დეპუტატი შევიდეს პარლამენტში და ცვლილებებისთვის იმ ინსტიტუტების შიგნიდან იბრძოლონ, რომლებიც მათ შექმნეს, მათ ააშენეს. რამდენი ხარვეზიც არ უნდა ჰქონდეთ ამ ინსტიტუტებს, რამდენადაც სუსტად არ უნდა გამოიყურებოდეს ოპოზიციის ზოგიერთი წარმომადგენლის თვალში, ეს დემოკრატიის ის ჩარჩოა, რომელსაც საქართველო 20 წელია აშენებს. ჩვენ უბრალოდ გვსურს, რომ თქვენ ეს გამოიყენოთ თქვენი სისტემის გასაუმჯობესებლად. გრძელვადიანი ერთპარტიული პარლამენტი საქართველოსთვის ძალიან იმედის გამაცრუებელი უკანდახევა იქნება. ამომრჩევლებმა 9 პარტია აირჩიეს. ეს ცხადი განაცხადი იყო, თუ რისი ნახვა სურთ მათ - ერთი პარტიის კი არა, ცხრის“, - განაცხადა დეგნანმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.