სამგორის რაიონის გამგეობამ თვალჭრელიძის ქუჩის კაპიტალური რეაბილიტაცია განახორციელა. პროექტის ფარგლებში, მოწესრიგდა 24 000 კვ.მ ფართობის საგზაო ინფრასტრუქტურა, რისთვისაც სამგორის გამგეობის ბიუჯეტიდან 2 330 000 ლარი გამოიყო.
დასკვნით ეტაპზე მიმდინარე სამუშაოებს სამგორის რაიონის გამგებელი კახა სამხარაძე ადგილზე გაეცნო.
თვალჭრელიძის ქუჩა შემოვლითი გზაა, რომელიც ტრანსპორტს მეტროსადგურ „ვარკეთილის“ გავლის გარეშე, კახეთის გზატკეცილიდან ვარკეთილის მეურნეობას აკავშირებს. თვალჭრელიძის ქუჩაზე ასფალტის საფარი 30 წელზე მეტია არ დაგებულა, ამჟამად კი, სრული რეაბილიტაციის ფარგლებში, მოწესრიგდა მიწისქვეშა კომუნიკაციები, მოეწყო სანიაღვრე ქსელი და საგზაო ინფრასტრუქტურა.
თვალჭრელიძის ქუჩაზე 19 000 კვ.მ ფართობზე ასფალტის ორფენიანი საფარი დაიგო. ასევე, მოეწყო ბორდიურები და ტროტუარი. პროექტის ფარგლებში, საერთო ჯამში, საგზაო ინფრასტრუქტურა 24 000 კვ.მ ფართობზე მოწესრიგდება.
სამუშაოები, სამგორის რაიონის გამგეობის დაკვეთით, კონტრაქტორმა კომპანიამ „ენდი როუდი“ შეასრულა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.