ზურაბ გირჩი ჯაფარიძე აცხადებს, რომ მის პარტიას „გირჩი მეტი თავისუფლება“ ერქმევა.

როგორც მან აღნიშნა, დღეს არის ყრილობა, ახალი პარტია ფუძნდება, რომელსაც გირჩი ერქმევა, თუმცა სრული სახელი იქნება განსხვავებული „გირჩი მეტი თავისუფლება“.

„დღეს გვაქვს ყრილობა, სადაც ფორმალური ნაწილი გვაქვს გასავლელი, რათ რეგისტრაცია გავიაროთ, რეგისტრაცია კი გვჭირდება იმისათვის, რომ გვქონდეს ფურცელი, რომელიც შემდეგ არჩევნებში მონაწილეობის მისაღებად დაგვჭირდება, რომ ფორმალურად პოლიტიკურ პარტიას ცნობდეს სახელმწიფო. შესაბამისად, ამ პროცედურებს გავივლით, ნაწილი არის თავმჯდომარის არჩევა, პოლიტსაბჭოს არჩევა და სარევიზიო კომისიის არჩევა, რასაც კანონი გვავალდებულებს. ეს არჩევნები რეალურად უკვე ჩატარებული გვაქვს ონლაინ, უბრალოდ დღეს ფორმალურად გავაფორმებთ, რომ საბუთები მოვაწესრიგოთ და შევიტანოთ განაცხადი რეესტრში“, – განაცხადა ჯაფარიძემ.