ხელისუფლების მშვიდი, ორგანიზებული და შეუფერხებელი გადაბარების უზრუნველყოფაზეა ფოკუსირებული, - აცხადებს  სოციალურ ქსელ „ტვიტერში“ გამოქვეყნებულ ვიდეომიმართვაში აშშ-ის მოქმედი პრეზიდენტი დონალდ ტრამპი. ვიდეო 12-საათიანი შეზღუდვის გაუქმების შემდეგ განთავსდა.

ტრამპმა აშშ-ის კაპიტოლიუმზე თავდასხმას „საძაგელი“ უწოდა.

„ამერიკა არის და ყოველთვის იქნება კანონისა და სამართლის ქვეყანა. მივმართავ მათ, ვინც მონაწილეობდა, თქვენ არ წარმოადგენთ ჩვენს ქვეყანას და მივმართავ მათ, ვინც დაარღვია კანონი – თქვენ გადაიხდით. ჩვენ ახლახანს გავიარეთ დაძაბული არჩევნები და ემოციები მძაფრია. თუმცა ახლა დროა, რომ ტემპერატურამ დაიწიოს და სიმშვიდე აღდგეს“, – განაცხადა აშშ-ის პრეზიდენტმა.

ახლა კონგრესმა დაამტკიცა შედეგები და ახალი ადმინისტრაციის ინაუგურაცია შედგება 20 იანვარს. მე ფოკუსირებული ვარ ახლა ხელისუფლების მშვიდი, ორგანიზებული და შეუფერხებელი გადაბარების უზრუნველყოფაზე. ეს მომენტი საჭიროებს განკურნებასა და შერიგებას“, – განაცხადა აშშ-ის მოქმედმა პრეზიდენტმა.