„ქართული ოცნება – დემოკრატიული საქართველოს“ დღევანდელ ყრილობაზე პარტიის პოლიტიკური საბჭოს განახლებული შემადგენლობა დაამტკიცეს. როგორც პარტიის ახალმა თავმჯდომარემ, ირაკლი კობახიძემ სიტყვით წარმოთქმის შემდეგ გამოაცხადა, ვასილ მაღლაფერიძე პოლიტსაბჭოს ახალი წევრი და პარტიის თავმჯდომარის მოადგილე იქნება.
„ქართული ოცნების“ პოლიტსაბჭოს შემადგენლობა 21-მდე გაიზარდა. გაუქმდა პარტიის აღმასრულებელი მდივნის პოსტი, რომელსაც მანამდე ირაკლი კობახიძე იკავებდა და მის ნაცვლად თავმჯდომარის მოადგილის თანამდებობა შემოვიდა.
ირაკლი კობახიძემ ყრილობაზე პოლიტიკური საბჭოს წევრები წარადგინა და მათ წარმატება უსურვა.
„ქართული ოცნების“ პოლიტსაბჭოს განახლებული შემადგენლობა ასეთია: კახა კალაძე, ვასილ მაღლაფერიძე, გიორგი გახარია, არჩილ თალაკვაძე, მაია ცქიტიშვილი, გიორგი ვოლსკი, ირაკლი ღარიბაშვილი, თეა წულუკიანი, მამუკა მდინარაძე, კახაბერ კუჭავა, ვახტანგ გომელაური, ეკატერინე ტიკარაძე, ივანე მაჭავარიანი, მაკა ბოჭორიშვილი, შალვა პაპუაშვილი, მარიამ ქვრივიშვილი, ნიკოლოზ სამხარაძე, სოზარ სუბარი, დიმიტრი სამხარაძე და თორნიკე რიჟვაძე.
პარტიის გენერალური მდივანი კვლავ კახა კალაძე იქნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.