იმედი მაქვს, საქალაქო სასამართლოს სახით ერთი შენობა მაინც დარჩება საქართველოში, რომელიც ივანიშვილის საკუთრება არ იქნება , - ამის შესახებ საქალაქო სასამართლოში 26 მაისის საქმეზე მიმდინარე პროცესზე ბრალდებულმა ვანო მერაბიშვილმა ქუთაისის საქალქო სასამართლოს გუშინდელი გადაწყვეტილებაზე გამოხმაურებისას განაცხადა.
ვანო მერაბიშვილმა თბილისის საქალაქო სასამართლოს მოსამართლეს ხათუნა ხარჩილავას მიმართა და იმედი გამოთქვა, რომ აღნიშნული მოსამართლე ტესტს ჩააბარებს და ზეწოლას გაუძლებს.
"თავიდანვე ვიყავი განწყობილი და ადვოკატებსაც ვარწმუნებდი, რომ ქუთაისის სასამართლოში დაცვის განხორციელება უაზრობა იყო. გუშინ ქუთაისის სასამართლომ დიდი თეთრი ალამი აღმართა სასამართლოს შენობის თავზე. საზოგადოების ნაწილი მაინც მიიჩნევს, რომ თბილისის საქალაქო სასამართლო გარკვეულად ინარჩუნებს დამოუკიდებლობას. თქვენ ღმერთმა გარგუნათ ეს ტესტი, რომ ზეწოლას გაუძლოთ", - მიმართა ვანო მერაბიშვილმა მოსამართლეს და იმედი გამოთქვა, რომ მისი ადვოკატების მცდელობა ფუჭი არ იქნება და "საქართველოში ერთი შენობა მაინც დარჩება, რომელიც ივანიშვილის საკუთრება არ იქნება".
აღნიშნული მიმართვის შემდეგ მოსამართლე ხათუნა ხარჩილავამ ვანო მერაბიშვილს უპასუხა და აღნიშნა, რომ სასამართლო ზეწოლას ნამვილად არ განიცდის.
ამ წუთებში 26 მაისის საქმეზე შს სამინისტროს საინფორმაციო-ანალიტიკური დეპარტამენტის ყოფილი უფროსი შოთა უტიაშვილი იკითხება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.