საქართველოს გენერალურ პროკურატურაში დავით გარეჯის საქმეზე საგარეო საქმეთა მინისტრის ყოფილი მოადგილის, გიორგი მანჯგალაძის გამოკითხვა მიმდინარეობს.
გიორგი მანჯგალაძე გენერალურ პროკურატურაში ადვოკატთან ერთად მივიდა. მან ჟურნალისტების შეკითხვებს არ უპასუხა. მანჯგალაძემ მხოლოდ ის განაცხადა, რომ ყველა კითხვას პროკურატურაში უპასუხებს.
ჟურნალისტების შეკითხვის საპასუხოდ, ელოდება თუ არა დღეს პასუხისგებაში მიცემას, მანჯგალაძემ განაცხადა, რომ არაფერს ელოდება.
კომენტარის გაკეთებისგან თავი შეიკავა მანჯგალაძის ადვოკატმა, დიმიტრი მჭედლიშვილმაც.
დავით გარეჯის საქმეზე მიმდინარე გამოძიების ფარგლებში, გიორგი მანჯგალაძე დღეს გამოკითხვაზე მესამედ დაიბარეს.
მანჯგალაძე იმ პერიოდში, კერძოდ, 2006-2007 წლებში, რომლითაც გამოძიებაა დაინტერესებული, სადელიმიტაციო-სადემარკაციო კომისიას ხელმძღვანელობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.