ევროპის საბჭოში საქართველოს მუდმივმოქმედი დელეგაციის წევრმა, პარლამენტის სპორტისა და ახალგაზრდულ საქმეთა კომიტეტის თავმჯდომარის მოადგილემ, თამარ ტალიაშვილმა ევროსაბჭოს საპარლამენტო ასამბლეის კულტურის, მეცნიერების, განათლების და მედიის კომიტეტის თავმჯდომარესთან ოლივერ ბეხტთან შეხვედრა გამართა.
შეხვედრაზე კომიტეტის თავმჯდომარე საქართველოს პარლამენტის სპორტისა და ახალგაზრდულ საქმეთა კომიტეტის მიერ სპორტული შეჯიბრებების მანიპულაციების შესახებ ევროპის საბჭოს კონვენციის რატიფიცირებისა და მისი იმპლემენტაციის პრიორიტეტად დაყენებას მიესალმა.
შეხვედრაზე მხარეებმა ევროპასა და საქართველოში კოვიდ-19 პანდემიის პერიოდში განათლების, კულტურისა და სპორტის სფეროებში წარმოქმნილ სირთულეებთან დაკავშირებით ისაუბრეს და ხაზი გაუსვეს ერთობლივი ძალისხმევითა და სოლიდარობის პრინციპების მიდგომით მათი გადაწყვეტის გზებსა და პერსპექტივებს.
ოლივერ ბეხტმა თამარ ტალიაშვილის ინიციატივა დადებითად შეაფასა, რომელიც კომიტეტში ახალგაზრდობის გაძლიერების საკითხებთან და კოვიდ-19 პანდემიით გამოწვეული კრიზისის დაძლევის მიზნით მოკვლევის დაწყებას ითვალისწინებს. ამ საკითხზე საპარლამენტო ასამბლეის სესიების ფარგლებში ანგარიშის წარდგენა იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.