გლდანის რაიონის გამგეობა გამწვანებული სივრცეებისა და სკვერების მოწყობის სამუშაოებს განაგრძობს. თეიმურაზ ბოჭორიშვილის I ჩიხის მიმდებარე ტერიტორიაზე (გლდანის „ა" მ/რ შეშელიძის ქ. N126 მიმდებარედ) სკვერის მოწყობის სამუშაოები დაახლოებით, 1 600 კვადრატულ მეტრამდე ფართობზე დაიწყო.
სამუშაოების შედეგად, მოეწყობა ბავშვთა გასართობი და დასასვენებელი ზონები, მოსასვენებელი პავილიონი. განთავსდება სკვერისთვის საჭირო სხვა ინვენტარი. დამონტაჟდება გარე განათებისა და სარწყავი სისტემები. განხორციელდა გამწვანების სამუშაოები - დაითესა ბალახი და ასევე, დაირგვება ხეები.
აღნიშნული პროექტისთვის გამგეობის ბიუჯეტიდან 316 573 ლარი არის გათვალისწინებული. სამუშაოებს, ტენდერში გამარჯვებული შპს ,,ანელო" ახორციელებს.
,,ჩვენთვის მნიშვნელოვანი და პრიორიტეტულია სკვერებისა და გამწვანებული სივრცეების მოწყობა. შესაბამისად, გლდანის გამგეობა 2021 წელს კვლავ აქტიურად გეგმავს მსგავსი სივრცეების მოწყობას. როგორც იცით, თეიმურაზ ბოჭორიშვილის ქუჩაზე არ არსებობდა საგზაო ინფრასტრუქტურა. გასულ წელს გამგეობამ ამ მისამართზე გზის საფარის კაპიტალური მოწესრიგება დაასრულა. წელს კი, სკვერის მოწყობის სამუშაოები დაიწყო“, - განაცხადა გლდანის რაიონის გამგებელმა ლევან ნაროუშვილმა.
გამგებელმა მოსახლეობას სკვერის პროექტი გააცნო და მიმდინარე სამუშაოები დაათვალიერა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.